Weekend på Villa Glede Granlien

Frivilligsentralen inviterer vaksne og eldre Vest-Telemarkingar til ein triveleg helg i flotte omgivningar i Kviteseid. Invitasjonen går ut til vestteler som av ulike grunner kan kjenne seg einsam og har eit ynskje om å skape nye relasjonar. Det kan vere fleire grunner til at ein kan kjenne seg einsam, til dømes om ein bur aleine, står utanfor arbeid og sosial omgang, eller er i ein krevjande fase i livet. Me håpar at helga kan gje folk eit positivt avbrekk frå ein grå kvardag, og at det kan kome nye venskap og ein ny gnist ut av opphaldet. 

Det vert enkelt program med det sosiale i fokus. Me har bestilt både lunsj og middagar frå Waldenstrøm kafé, og kjem til å vere både inne, ute og i den store lavvoen. Viss ein vil kan ein gå på tur eller fiske, eller slappe av i huset med strikketøy og ein kaffikopp. Villa Glede Granlien har mellom anna peisestove, spisesal, kjøkken og ti soverom. Det vert mogleg å overnatte eller kome på dagsturar. Ute er det stor hage med frisbeegolfbane, sitjegrupper, turstiar og tre geiter som tuslar rundt.

Overnattingsplass for 10-20 stykk (gratis), elles kan ein kome på dagsbesøk. Maks antal totalt er 40. 

Tid og stad: 5.-6. oktober på Villa Glede Granlien, Granlivegen 74
Pris: 500kr. for heile helga.
Påmelding til frivilligsentralen på tlf.: 96624412