No blir det sjakk på dagsordenen i Kviteseid!

Det løner seg å hoppe på dei tilboda som byr seg. Til våren får nemleg Kviteseid tre flotte sjakkbenkar til kommunen!

Dei tre sjakkbenkane skal plasserast i Kviteseidbyen, på Kviteseid skule og utanfor Skisportmuseet i Morgedal. For benken i sentrum vil Frivilligsentralen ha ansvar for å setje ut sjakkbrikker til faste tidspunkt, slik at dei som ynskjer å ta seg ein runde sjakk kan gjere det. Skisportmuseet vil ha ansvar for å setje ut i Morgedal, og skulen hjå seg. Me håpar at sjakkbenkane kan bli ein ny møteplass for unge og gamle.

Det er Sjakk & Samfunn som står for dei heile, og dei har søkt og fått midlar frå Gjensidigestiftelsen.

Foto: Pixabay